Erin daen Hithaeglir

Sa uial en-aur, dan ú-thiant Anor. Ar ring im i daen, ring sui ne thrîw.
Ereb i hűl brestant loss a echant gaint uir-eden. Tailf e-heleg thiliant 'lan
a dhínen. In imlaid thianner sui iâ e-dúath. Na vedui lastannen nad nedh dhîn;
tâd edain i mudasser amvaded i orod, benn a bess nith.

Darel, i vess bent nan benn: 'Daro, boe darthad enni, Edryn.'
'Mae, Gwendolyn. Dan ú-balan nan daen vrannwain.'
'Tiro in imlaid 'aladhremmin nuin gwath en-fuin. Ar hîth gelebren en-aur. Bain.'
'Mae. Dan pelin cened osp a noer nan mbar vîn. In yrch lachar gair en-gwaith vîn.'
'Uireb i ndeigor drastar hîdh en-amar. Man lű telitha i meth i-ndeigor hin?'
'Ae hirim i naid i aníram nan daen hen, telitha i veth aen. Amvedim ad?'
'Tellim nan had hen a chired i ngolu thurin in-eryd, dan gerin drass.'
'Garo estel, Gwendolyn! Hiritham.', pent Edryn a adcheriant baded.

Amvadel Gwendolyn renn i nagor 'ortheb nan girith neder oer io.
Na vinui tellir siniath o gebil ú-belain na Ordd, bâr dîn, aphadol tellir
edain chernennin i mronner i auth in yrch anglennol. Nan meth toll
gwanod in edhil toged dulu in edain.

Gwendolyn renn i nîf alfirin in edhil, gael sui Anor. Pennir nan ierwain Ordd,
pennir o hauth ar o duir e-duath o amrűn, o nguldur ar o neigor in edhil
dan i thuir hin. Ar edain od Ordd mabanner 'rynd, ich ar naim am maethad dan i chyth
anglennol. Nan meth glamhoth dellir o thalath. Cíniel in yrch
in edain od Ordd darthanner dholen.

Ar Gwendolyn renn i dharthad. Aul. Gostol darthant, min gaim vagol iaur,
ú-bolel maethad. Auriel elleth toll, ar pent bith en estel, dan
Gwendolyn hen ú-lastant.

Nan meth in yrch dellir. Pilin revianner, ar lastant 'lam a nallad e-hernennin.
Bragol Auriel vaethant, a Gwendolyn ú-'arn lű nauthad. Orthant i vagol în
ar i amar thiant sui ael en-iâr.

Gwendolyn ú-renn i nagor, dan renn Auriel dangen, i nîf dîn vain alfirin 'waur
mi moth. Ar mellyn rim firnir. Berianner Ordd hi, dan istant yrch edhrim telithar
aen.

Na aur aphadol gwaith bain govanner min gar en-iarwain an athrabeth.
Dan pídiel o naid rim ú-chirnir nangweth. Na vedui Gwendolyn, Edryn a gwanod
dithen in gwaith bennir na Morvyn, bess idhren, i guiant ereb min dawar.
Nef fuin anglenner i gar dithen garel daus.

'Ce farn rim.', lastanner i lam Morvyn e char. 'Ereb neled pelir minnad.'
Ar ereb Gwendolyn a tâd biss verthanner minnad. Min gar
nostanner helaib a osp aer. 'Amma tellich?' Morvyn bent.
'Tellim al lastad man pelim cared ae in yrch athelithar.', pent Gwendolyn.
Morvyn dharthanner nauthol. 'I thuir in-eryd istar nangweth aen.',
pent lhossui. Tolthant galph a cenn nan nen dhűr.
Gwendolyn dharthant. Na vedui Morvyn bent na lam brestannen:

'Io anann i thuir in-eryd berianner i 'waith vîn. Dan sír ú-cheniam
in eryd, ú-amvedim i thaen ar ú-lastam i lam i-sern. Boe echaded 'wain
i 'wedh iaur ammen. Boe baded nan daen vrannwain.'

'Man berthatha baded?', pent Rhianna. 'Sa ethuil, delib idh raith
ar ae amvedim hi pen fîr aen.' - 'Dan boe baded hi.', Morvyn bent.
'Nan daen túliel, man boe cared?', pent Rhianna. 'ú-iston.', Morvyn bent.
'úben ista. Hirithach ennas.'

Caun Edryn meth idhor Gwendolyn o naid 'wainn. O thaen ovras e-loss
dannant. Lint Gwendolyn i raph în tangant nan gond. Mathant loss ring
a hűl danc i rithant hen nan iâ. Bragol i raph narchannen. Na 'alu gant harn
a bronnen i loss dhannol. Giriel cenn nan nűr.
'Ce harnen?', pent Edryn or sen. 'ú-charnen.', aun i nangweth.
'Dan goston. Ae ú-nallannech aen, dannen. Sui Olwen dannant.'

Gwendolyn renn dhant Olwen. Sa enedh en-fuin. Nallant thent, aphadol
am 'land en-iâ gwannant. Ereb loss dhinen dannant ú-brestannen.
Tâd adbanner am.

Garel loss ring nan lebid în na vedui tellir nan daen vrannwain. Anor ú-orthant,
dan aur anglennant lint. Edryn genn nan gâw e-heleg a e-loss.
'Si úben!', nallant. 'Man boe cared hi ammen? Tellim nan had hen,
Olwen firn, dan hirim ereb loss! Mas i lam i-sern?'

Gwendolyn dharthant, i rainc în girnir. Anírn lostad an uir, a
nallad Edryn thiant ben-ind. Mathant i loss ring nuin dail în. Anor
víthant i 'land Amar, a taen belain thiliant na aur vinui. Ar bragol
mathant îdh chall a hîdh.

'ú-cheniach, Edryn?', pent Gwendolyn.
'In eryd uireb, yrch a cyth o Thrűn hain ú-drastar. I galad Anor, i
thiliad e-loss - i dhúath ú-bôl orthored hain - bronathar.'
'Dan gwaith ú-vronathar, Gwendolyn. Gwaith vín firithar, ir in yrch telir.'
'Boe geliad i ngolu in-eryd an gwaith vín. Ir in yrch anglennar, boe
baded na imlaid dhelin. Ennas in eryd veriathar ven. Boe gwaith
vín sui eryd - i loss dhanna ned thrîw, i loss 'wanna ned laer, dan
ú-drasta in eryd. Yrch an gwaith vín sui loss an eryd.
In yrch ú-drastathar ven ae cerim i naid hin.'
'Sen ben-ind. Yrch ortherithar Ordd a lachathar naur veleg.'
'Lachathar. Dan ú-ortherithar 'waith Ordd.'
'Sin i phith en eryd i lastad tellim?'
'Mae, Edryn. Si henion i lam in eryd.'

Ar aphadol bennir dadbenn, tâd edain brestennin, dan ereb
Gwendolyn 'arel estel.